ភ្នំពេញ-តាមការទស្សន៍ទាយរបស់ទស្សនិកជន កំពុងតែបង្ហាញអារម្មណ៍មួយថា បទចម្រៀង របស់តារាចម្រៀងប្រចាំផលិតកម្មថោន កញ្ញា រ៉ាប៊ី កំពុងឆាបឆក់យកបេះដូងទស្សនិកជន តាមរយៈបទចម្រៀង មួយបទ “មាន់ស្រែ” ដែលកំពុងតែល្បីតាមបណ្តាញទំនាក់ទំនងហ្វេសប៊ុក ដែលបង្ហាញថា បទ មាន់ស្រែ កំពុងទាក់ទាញខ្លាំង។
មិនត្រឹមតែអន្ទងចិត្ត អ្នកស្តាប់ អ្នកទស្សនា ក្នុងស្រុកប៉ុណ្ណោះទេ បទ “មាន់ស្រែ” ត្រូវបានវេបសាយថៃ មួយ យកទៅផុស្ត៍ផ្អើលតែម្តង។ រីឯ ចំនួនអ្នកទស្សនាក៏មិនធម្មតា គ្រាន់តែចេញមិនដល់មួយសប្តាហ៍ផង ស្រាប់តែអ្នក ចូលមើល មានចំនួនមិននឹកស្មានដល់ គឺខ្ទង់លាននាក់ឯណោះ។
បើយោងតាម ការបង្ហាញតាមហ្វេសប៊ុករបស់ តារាចម្រៀង កញ្ញា រ៉ាប៊ី បានបង្ហាញថា អ្នកចូលមើល បទ “មាន់ស្រែ” មានចំនួនជាង៧លាន view ដែលអាចបញ្ជាក់ថា បទចម្រៀងមួយនេះច្បាស់ជាផ្ទុះជាក់ជាមិនខាន អំឡុងពេលបុណ្យចូលឆ្នាំថ្មីខាងមុខនេះ។
សូមទស្សនាវិឌីអូខាងក្រោម
Comments :
Post a Comment